تجربة بيسال سمكري
أهلاً! أنا بيسال سمكري، طالبة التفاعل بين الإنسان والحاسوب (HCI)،دفعة 45 وراح أشاركم تجربتي اللي أتمنى تلهم وتفيد أي أحد تايه أو محتار.
أولاً: كيف عرفت إن HCI هو مجالي؟
خليني اكون واضحه معاكم انا شخص ما كان يفكر اصلًا في الحاسب, لكن الاقدار شأئت ودخلت والحمدالله اني اعطيت نفسي فرصه وكملت فيه في البداية انا شخص مره خيالوا واسع ويسأل مره كتير كيف جا, طيب ليه, وكيف صار, اسئلة كتيرة ما كنت اعرف في التقنية وأشياء الحاسب، كنت أسأل نفسي: ليش هذا الزر هنا؟ ليش التصميم كذا؟ ليه الناس تترك التطبيق بسرعة؟ مع الوقت، بدأت أكتشف انو في شي اسمه HCI، ولما تعمقت فيه، حسيت إني لقيت نفسي. تخصص يجمع بين التقنية، التصميم، فهم الناس، وتحسين تجاربهم. حرفيا يجمع أشياء جديدة ماكنت اعرفها واشياء انا دايم اسألها .
ثانيًا: كيف عشت التجربة؟
درست مواد برمجة وتصميم، واشتغلت على مشاريع فيها HTML, CSS, JavaScript، وكنت دايم أحرص (أطبق اللي أتعلمه بشكل عملي) وركزوا في هذي الجملة(اطبق اللي اتعلموا) دخلت هاكاثونات، وقدمت معسكرات، ودربت طلاب من جامعات مختلفة على UI/UX، دربتهم بعد ماحسيت اني ملمه بهذا المجال واشتغلت مع منصات حقيقية، تعلمت أشتغل مع الفريق، أشرح، أسمع، وأتخذ قرارات، كنت دايم احرص اني اكون قائدة الفريق ليه عشان ابغى اعيش تجربة اني انجح المشروع ادعم الفريق هل انا قد اني اكون قائدة لهم او لا ومرات تزبط ومرات لا عادي الحياة فرص. وكل يوم أتعلم شي جديد، مو بس عن التخصص، حتى عن نفسي.
ثالثًا: الصعوبات
ما نقول صعوبات قد ماكانت تحديات واكبر تحدي كان صعب عليا انظم وقتي في كل شي وفي تحديات كانت تطلعلي على الطريق، وكل وحدة علمتني شي.
• ضغط المهام وتعدد الأدوار:
خصوصا لما كنت أشتغل في كذا جهة بنفس الوقت، بين المشاريع، والدراسة و التعلم الذاتي . كنت أحس أحيانا إني مضغوطة مره، بس تعلمت كيف أرتب وقتي، وأقول “لا” لما أحتاج أركز على شي أهم وانتو رتبو ايش هو الشي يلي اهم في دا الوقت.
• الخوف من الغلط:
كنت في البداية أتردد أقدم أفكاري أو أتكلم مع دكتور او دكتورة شي في بالي واناقشهم فيه واخاف من الفشل واتردد لاني شخص مايقبل كلمة لا أخاف أقول شي يطلع غلط. بس مع الوقت فهمت إن الغلط مو نهاية العالم، هو بداية التعلم، وكل محاولة كانت تخليني أثق بنفسي أكتر اشتغلت مع فريق اول فريق اشتغل معا كان فريق معتمد على القائد بس حاولت اكمل معاهم لان مو كل شي يجي على مزاجنا ودخلت فريق تاني وكان افضل فريق مر عليا وسوينا مشاريع المواد كلها باحسن صورة فا لا يجيكم احباط لما تجو مع فريق مشروع مو احسن شي عادي بالعكس اتعلموا .
• الفرق بين الدراسة والواقع:
اللي ندرسه شيء، والتطبيق الحقيقي شيء تاني. أحيانا تحس إنك فاهم كل شي نظريا، بس لما تطبق تحس الدنيا مختلفة. وذا شي شجعني و خلاني أشتغل أكتر على الجانب العملي، وأربط اللي أدرسه بالواقع.
• الشك في النفس:
فترات كثير جاني شعور هل أنا قدها؟ هل أنا في الطريق الصح؟ طيب انا رح اوصل؟ ، بس كل مرة أرجع أذكر نفسي بالبدايات، وأشوف التطور اللي وصلت له، وأكمل.
وانتبهو تجيكم فكرة اروح تخصص تاني اول ماتحسوا بضغط لاني كنت كذا وقت الضغط الواحد يهرب لمكان اريح فهذا شي غلط ركزوا في اللي انتوا فيه وزكرو نفسكم هيا فتره وحتعدي على خير وشوف ورا انتوا كم عتبه نجحتوا واتخطيتوها.
واللي تعلمته من هذي التحديات:
• إن الضغط مؤقت، بس الإنجاز يبقى
• وإن صوتك يستحق يُسمع، حتى لو كان مرتبك
• وإن الشغف هو اللي يخليك تكمل، مهما كثرت العقبات
• وإن الغلط مو نهاية الدنيا، نهاية الدنيا لو انت ماتعلمت من غلطك
نصيحتي لكم: • طورو مهارتكم
• اشتغلو على نفسكم وخلوها افضل من امس وقبله
• ركزو على مسار واحد من مجال hci لان مجالته كتير وحاول تتقن شي واحد منها بعدين شوف اللي بعده
• ادخلوا دورات وتعلموا من برا اكثر لا تقولوا خلاص درجاتي عالية انا ممتاز مو شرط
هل كان كل شي سهل؟ لا طبعًا!:
مريت بأيام ضغط، وبروجيكتات تطفش، ومواقف تحطمك وتخليك تعيد تفكيرك في كل شي.
بس الشي اللي كان يخليني أكمل هو إني مؤمنة إني في المكان الصح. كل تحدي مر علي، علمني شي وساعدني أتطور.
نصايحي لك لو كنت تفكر تدخل هذا التخصص:
• اسمع لصوتك الداخلي، لا تختار تخصصك عشان فلان قال أو لأنك سمعت إنه له مستقبل.
• جرّب، لا تخاف تغلط، أهم شي إنك تتعلم وتعرف نفسك أكتر.
• ركّز على الجانب العملي، سوي مشاريع، جرب أدوات، وشارك في فعاليات. التطبيق هو اللي يصنع الفرق.
• طوّر مهاراتك الشخصية: تواصلك، تفكيرك النقدي، قدرتك على الشرح. كل هذا يفرق!
• لا تنسى تستمتع! التخصص هذا ممتع لو دخلته بشغف.
رابعًا نصايح للمذاكرة:
عن تجربتي
- ادعي وتوكل على الله: سلاح ما يخيب. سوي اللي عليك، وتوكل على الله، وخل إيمانك قوي إنك قدها.
- افهم قبل لا تحفظ: خصوصًا في مواد التخصص، الفهم يسهل عليك كل شي. لما تفهم ايش معنى المصطلح أو المخطط، تقدر تطبقه وتشرحه وتستخدمه في أي سيناريو.
- جزئ المعلومة: لا تحاول تزاكر كل شي مره وحدة، قسم الشباتر على أيام، وكل يوم خد لك جزئية بسيطة، وراجعها بعد فترة وافضل شي فادني بعد كل نهاية شابتر احط اساله لنفسي واحلها كدا مارح تنسى المعلومه مره.
- اربط المعلومات ببعض: يعني لو تذاكر عن مادة التصميم البصري، حاول تتزكر مثال حقيقي صممته أو شفته، هذا يخلي المعلومة تثبت أسرع.
- الممارسة = تثبيت: لا تكتفي بالقراءة، اتعلم بيدك، مو بس بعينك.
- خد راحة : مو كل وقتك لازم يكون مزاكرة. خذ لك بريك، صفي بالك من كل شي، وارجع وانت منتعش. الضغط يقتل التركيز.
- اعرف وقت المزاكرة المناسب لك: فيه ناس يركزوا بالليل، وفيه صباح، اعرف وقتك الذهبي وخله وقت المزاكرة. لا تقلد أحد.
- لا تطارد المثالية: ذاكر المهم، افهم المهم، ولا تضيع وقتك على تفاصيل ما تنسأل. الذكي هو اللي يزاكر بذكاء، مو اللي يزاكر كتير.
وأخيرًا…
تخصصي مو مجرد مواد أعديها، ولا درجات أجمعها، هي رحلة قاعدة أتعلم فيها عن نفسي قبل لا أتعلم عن الناس. كل تجربة مريت فيها – سواء كانت هاكاثون، تدريب، أو حتى تحدي بسيط – خلتني أقرب من شغفي أكتر.
إذا كنت تحب تفهم الناس، وتبغى تصمم شي يلمس حياتهم ويخليها أسهل، فمجال HCI بيناديك. مو لازم تكون تعرف كل شي من البداية، أهم شي تكون شغوف ومستعد تتعلم وتغلط وتقوم من جديد.
أنا بيسال، وهذي كانت تجربتي في عالم HCI هي خطوة في طريق أبغى أترك فيه أثر، مو بس بصمة. أكتب حكايتي بكل شغف، وأصمم كل تجربة كأنها توقيعي الخاص. البداية كانت حلم، واليوم صارت واقع أعيشه، أما الباقي؟ فهو مستقبل أرسم ملامحه بنفسي… بقلب مؤمن، وعقل طموح، وشغف