تجربة ليان المحمادي
1. إيش كان سبب دخولك الذكاء الاصطناعي؟
دخلت الذكاء الاصطناعي لاني كنت مبهورة ب قدرته القوية وتطوره، حبيت فكرة اننا نقدر نطرح حلول باستخدام خوارزميات.وبالذات ان اساسه رياضيات واحصاء وانا شخص مرره يستمتع بالحسابات واحب اتعمق فيهم وافهمهم وكل ما كانت اكثر تعقيد كل ما كانت ممتعة اكثر بالنسبة لي.
2. كطالب مستجد، كيف أعرف إذا الذكاء الاصطناعي يناسبني؟
واجهت صعوبة في الاجابة على هذا السؤال ولكن اقدر اقول: بالاطلاع والبحث، ابحث عن الذكاء ومجالاته، التخصص فيه مجالات كثير مثل معالجة الصور والتعلم الالي و معالجة اللغات و اخلاقيات الذكاء وغيرهم، كلهم مجالات تندرج تحت الذكاء الاصطناعي.
3. لو رجع فيك الزمن، هل بتدخل الذكاء الاصطناعي من جديد؟
اكيد بدخل مره ثانية، الذكاء الاصطناعي مجال كبير وكل ما تعمقت كل ما انبهرت اكثر.
4. متى قدرت تحدد مجالك الفرعي؟ وكيف قدرت تحدده؟
في السنة الثالثة بديت الاحظ اني اميل لمواد التعلم الالي حيث اني اشوف في هذه السنة نعتبر اخذنا نظرة لمجالات الذكاء الاصطناعي ونقدر نعرف كل مجال عن ايش يتحدث بالضبط وكيف بنشتغل عليه وايش مستقبله، حبيت التعلم الالي لاني شفته يجمع ما بين الداتا والاطلاع عليها وننظفها وبعدين نبدا نشتغل عليها ونحاول ونحاول لين ما نوصل للهدف ونتعلم من الاغلاط اللي واجهتنا.
5. إيش أكثر الأشياء اللي ممكن تفيدك خلال مسيرتك الجامعية؟ مثلًا المواد الدراسية، المشاريع، الدورات التدريبية، أو الأنشطة اللاصفية؟
بالنسبة لي اشوف المشاااريع بشكل ككبيييرر، لان بيكون فيها بذل جهد وبحث مستمر وتجارب كثيرة ومن خلالها راح نكتسب الكثير والكثير من الاشياء ف تخصصنا.
6. كيف تشوف الفرص بعد التخرج؟ في التدريب الصيفي/التعاوني؟
بالنسبة للتدريب التعاوني للاسف ما قدرت اجد اماكن كثيرة تكون خطة تدريبهم تعتبر خطة يتبعها طالب متخصص بمجال الذكاء الاصطناعي، لذلك انصح بانه المقبلين على التدريب التعاوني انهم يبدون يبحثون من بدري قدر المستطاع.
7. ممكن تتكلم لنا عن الوظائف المستقبلية في المجال؟
بالنسبة للوظائف يوجد محللي بيانات، ومهندسي تعلم الي، وممكن ايضا باحثين في الذكاء الاصطناعي غيره الكثير
8. إيش نصائحك للطلاب المقبلين على تخصص الذكاء الاصطناعي؟
نصيحتي للمقبلين على التخصص هي: ركزو في الاساسيات،مواد اول سنة تخصص تعتبر اساسيات لازم تصير عندك من البديهيات في ثاني سنة، ايضا المشاريع حافظو عليها وابذلوا جهدكم فيها لانكم راح تستفيدون منها في التقديم للتدريب التعاوني.