السلام عليكم جميعاً انا بروج خيمي طالبة ذكاء اصطناعي - سنة ثالث - متدربة حاليا
انا اساسا مهتمة بالانظمة الذكية من الثانوية ومهتمة بالتطوير العملي زي انه يكون عندي روبوت او اني اشتغل على اجهزة وكنت ابغا ادخل هندسة حاسب وماكانت متاحة للبنات ف بعد تفكير مطول وجدت انه الذكاء مقارب لاهتماماتي.
انا لمار أشرف اندرقيري طالبة ذكاء اصطناعي من جامعة ام القرى في نهاية السنة التالتة ومتدربة حالياً يبسطني اني أشارككم تجربتي ولو بشي بسيط وان شاءالله انكم تستفيدو والله يوفقكم جميعًا وييسر لكم مشواركم
للامانه ما كنت عارفه ايش التخصص اللي ممكن يناسبني ولمن دخلت كلية الحاسبات دخلتها وانا مخططه لتخصص وما كان ابداً ذكاء ولا قريب منو ولكن بعد ما استشرت الكتير من الاشخاص المتعمقين والفاهمين ومن ضمنهم دكتورة سارة الشريف اكتشفت انو الذكاء بحر واسع من الاحصاء والرياضيات والجبر الخطي اكتر تخصص له علاقة بالرياضيات ومواد التحضيري الرياضية كلها كانت ممتعة وأحبها، والتطور اللي بنشوفو في الذكاء اللي بيسير فيه كل يوم جذبني اكتر واكتر
دخلت الذكاء الاصطناعي لاني كنت مبهورة ب قدرته القوية وتطوره، حبيت فكرة اننا نقدر نطرح حلول باستخدام خوارزميات.وبالذات ان اساسه رياضيات واحصاء وانا شخص مرره يستمتع بالحسابات واحب اتعمق فيهم وافهمهم وكل ما كانت اكثر تعقيد كل ما كانت ممتعة اكثر بالنسبة لي.
في فكرة جميلة لاختيار التخصص معروفة بـ"رفق"، وهي اختصار لثلاث كلمات: رغبة، وفرصة، وقدرة. إذا اجتمعت هذي الثلاثة في تخصص واحد، فغالبا إنه مناسب لك.
اجتمعت فيه العناصر الثلاثة