السلام عليكم جميعاً انا بروج خيمي طالبة ذكاء اصطناعي - سنة ثالث - متدربة حاليا
انا اساسا مهتمة بالانظمة الذكية من الثانوية ومهتمة بالتطوير العملي زي انه يكون عندي روبوت او اني اشتغل على اجهزة وكنت ابغا ادخل هندسة حاسب وماكانت متاحة للبنات ف بعد تفكير مطول وجدت انه الذكاء مقارب لاهتماماتي.
انا لمار أشرف اندرقيري طالبة ذكاء اصطناعي من جامعة ام القرى في نهاية السنة التالتة ومتدربة حالياً يبسطني اني أشارككم تجربتي ولو بشي بسيط وان شاءالله انكم تستفيدو والله يوفقكم جميعًا وييسر لكم مشواركم
للامانه ما كنت عارفه ايش التخصص اللي ممكن يناسبني ولمن دخلت كلية الحاسبات دخلتها وانا مخططه لتخصص وما كان ابداً ذكاء ولا قريب منو ولكن بعد ما استشرت الكتير من الاشخاص المتعمقين والفاهمين ومن ضمنهم دكتورة سارة الشريف اكتشفت انو الذكاء بحر واسع من الاحصاء والرياضيات والجبر الخطي اكتر تخصص له علاقة بالرياضيات ومواد التحضيري الرياضية كلها كانت ممتعة وأحبها، والتطور اللي بنشوفو في الذكاء اللي بيسير فيه كل يوم جذبني اكتر واكتر
دخلت الذكاء الاصطناعي لاني كنت مبهورة ب قدرته القوية وتطوره، حبيت فكرة اننا نقدر نطرح حلول باستخدام خوارزميات.وبالذات ان اساسه رياضيات واحصاء وانا شخص مرره يستمتع بالحسابات واحب اتعمق فيهم وافهمهم وكل ما كانت اكثر تعقيد كل ما كانت ممتعة اكثر بالنسبة لي.
في فكرة جميلة لاختيار التخصص معروفة بـ"رفق"، وهي اختصار لثلاث كلمات: رغبة، وفرصة، وقدرة. إذا اجتمعت هذي الثلاثة في تخصص واحد، فغالبا إنه مناسب لك.
اجتمعت فيه العناصر الثلاثة
قبل ما أدخل المجال، كان عندي فضول شخصي بحت... كيف البيانات تقدر تحل أزمة؟ أو تصنع قرار يغير مصير شركة ضخمة، أو حتى دولة، أو على الأقل مجموعة كبيرة من الناس؟
السلام عليكم ورحمة الله وبركاته أنا جمانة الشريف طالبة HCI، دفعة 44 وبعطيكم ملخص تجربتي مع التخصص:
السلام عليكم ورحمة الله وبركاته أنا راشد العتيبي طالب HCI، دفعة 44 وبعطيكم ملخص تجربتي مع التخصص:
بكل مصداقية كان السبب الاول لدخولي لتفاعل الانسان مع الحاسب بعد الله هو انه مجال حديث وان اول دفعه فالشرق الاوسط كبكالوريوس هي دفعتي «دفعة44» ، السبب الثاني هو اني مريت في مجال البرمجه والخوارزميات والرياضيات بشكل عام ولاحظت ان اي مجال فيه برمجه او خوارزميات او رياضيات مو مجالي.
يا هلا انا الكاتو طالب هندسة برمجيات ومطور موقع el cato اللي اشرح فيه مواد الجامعة (خصوصي)، باتكلم عن تجربتي الشخصية مع تخصص هندسة البرمجيات كطالب بدفعة 44 معدله 4 وباقيله اقل من 10 مواد على التخرج
من ناحية:
من وأنا صغير كنت مهتم إني أهكر الألعاب، وأستكشف وأجرب أشياء غريبة، كنت أعدّل على الألعاب وأحاول أغيّر القيم فيها، أغيّر قيمة المبالغ اللي في اللعبة وأشوف وين يصير التغيير في ملفات اللعبة. كنت أستمتع بالفضول والمنطق البسيط اللي يخليك تقدر تهكر اللعبة وتلعبها بالطريقة اللي تعجبك. فكرة "وش بيصير لو سويت كذا؟" دايمًا في بالي. وش حيصير لو رفعت ملف كود بدل صورة الملف الشخصي؟ أو لو دخلت رقم بدل حرف؟ كلها تجارب تحتاج منك تكون شخص فضولي، وهي اللي تكون سبب في إنك ما ودك توقف تتعلم في المجال، الموضوع كان ممتع جدًا. فكنت دايمًا أعرف إن هذا مجالي.
كنت محتارة بين الذكاء الاصطناعي والأمن السيبراني، لأن كل واحد فيهم كان يشدّني بطريقة مختلفة. لكن اللي حسم الموضوع كان موقف قبل التخصيص صار وهو اني تهكرت ولله الحمد، وكانت تجربة سيئة جدًا من كل النواحي. شعور العجز والقهر اللي حسّيت فيه خلاني اقول ما راح أسمح لأي أحد يمر بنفس اللي مريت فيه. من هنا بدأت رحلتي في الأمن السيبراني، وصار الموضوع بالنسبة لي أكثر من مجرد تخصص… صار رسالة
تجربتي مع تخصص الأمن السيبراني
دخلت تخصص الأمن السيبراني بعد ما مريت بموقف صعب، حسّيت فيه بضعف الإنسان لما أحد يبتزه لمجرد إنه قدر يوصل لمعلوماته. شعور قاسي إنك تكون مكشوف، وإن أحد يملك عليك سلطة بس لأنه عرف شي ما كان المفروض يعرفه. بدأت الأسئلة تطاردني: "ليش أنا؟ كيف صار كذا؟ هل الموضوع سهل؟ هل أي أحد يقدر يسوي كذا؟" صرت أدور، أبحث، أقرأ… كنت أحتاج أفهم، أحتاج أسترجع قوتي، أحتاج أعرف كيف أحمي نفسي. ومن هنا بدأت رحلتي. دخلت التخصص بدافع شخصي جداً… بدافع حماية، فهم، واسترجاع الثقة. ومع الوقت، اكتشفت إن اللي صار ما كان مجرد موقف مؤلم، بل كان نقطة تحوّل. "أقسى التجارب أحيانًا تقودنا لأعظم الطرق"، وهذا بالضبط اللي صار. الموقف اللي كسرني، هو نفسه اللي وجهني لطريقي. واليوم، أقولها من قلبي: "الحمد لله إني اتخذت هذا القرار."