4 مقالات موسومة ب "علم البيانات"

كنت مهتم بالتحليل من البداية. أحب أفهم الأشياء بشكل أعمق، وأفكك التفاصيل وأربطها ببعض، وتخصصي ساعدني كثير في هذا الشي، لأنه يعتمد بشكل كبير على التحليل واتخاذ القرار المبني على معطيات واضحة.

قبل ما أدخل المجال، كان عندي فضول شخصي بحت... كيف البيانات تقدر تحل أزمة؟ أو تصنع قرار يغير مصير شركة ضخمة، أو حتى دولة، أو على الأقل مجموعة كبيرة من الناس؟

في أي مشروع بالحياة، دايم نسمع عن مصطلح “الـ management” أو الإدارة، سواء كانت إدارة مالية، تقنية أو غيره. ومعها يجي دايم موضوع الـ risk والتكلفة والوقت.

أذكر في أحد المشاريع، كان عندنا وقت محدد نبدأ فيه باستخراج أو معرفة متطلبات المشروع. بدينا نشتغل على تجميع البيانات، وبدينا نسوي عصف ذهني، نحاول نعرف وش المشاكل الموجودة في هذي البيانات. لكن أكبر خطأ ارتكبه الفريق وقتها إننا ما اعتبرنا عامل الوقت شيء مهم. بعد ما مر شهر، لقينا نفسنا ندور في حلقة مفرغة حول متطلبات بعضها ما له داعي أساسًا.

بداية رحلتي مع تحليل البيانات كانت من خلال مادة جامعية كان من متطلباتها إنشاء لوحة معلومات (Dashboard) باستخدام Power BI. وقتها، الموضوع ما كان مجرد مشروع أعديه وأمشي، بل حسّيت إن فيه شيء مختلف جذبني... واستوعبت إني لقيت نفسي فعلاً في هذا المجال.